Ақтауда отбасылық зорлық-зомбылыққа қатысты қылмыстар азайды

Ақтауда жыл басынан бері отбасындағы зорлық-зомбылыққа қатысты 70-ке жуық қылмыс тіркеліп, басым бөлігі қысқарып қалған.

Себебі, шағымданушы тарап, арызын қайтып алған. Бұл туралы отбасындағы зорлық-зомбылықтың алдын-алу мақсатында құрылған арнайы жұмыс тобының отырысында айтылды. Мамандар қалада тұрмыстық дау-дамайға қатысты күніне 5-6 шағым түсетінін айтады. Ал соңғы алты айда 1200-ден астам шақырту болған. Соның 60 пайызына инспекторлар үйлеріне барып, профилактикалық сұхбаттар жүргізген. Араларында үнемі жанжалдасатын 102 отбасы анықталды.

Камила Қылишаева Ақтау қалалық Полиция басқармасы Тұрмыстық зорлық-зомбылыққа қарсы бөлімнің бастығы:

67 қылмыс тіркелді. 59-ы татуласуына байланысты қысқарды, біздің Маңғыстаудың менталитетіне байланысты жанағы туыстардан, көршілерден ұят болады деген, сосын жауапкершілікке тартудан бас тартып немесе жауапкершілікке тарпауын сұрап арызданып жатады.

Аягөз Оралбайқызы