Шымкентте 500-ден астам адам жүргізуші куәлігін заңсыз жолмен алған

500-ден астам адам жүргізуші куәлігін заңсыз жолмен алған. Шымкентте қылмыстық схема әшкере болды. Бас прокуратураның мәліметінше, 2023-2024 жылдары бірқатар лауазымды тұлға құжат сатуды жолға қойған. Оның ішінде нөмірі екінші Халыққа қызмет көрсету орталығының қызметкерлері де бар. Олар емтихансыз куәлік беру үшін әр адамнан 150-400 мың теңге аралығында пара алған. Осылайша ұйымдастырушылар 150 млн теңге табысқа кенеліпті. Күдіктілердің 200 млн теңге мүлкі тәркіленді. 15 адамға айып тағылып отыр. Іс сотқа жолданды.

Шерхан Жамбылұлы