Атырауда ТШО мен NCOC компанияларына 4 млрд теңгеден астам айыппұл салынды

NCOC компаниясы мемлекетке 3,6 млрд теңге көлемінде айыппұл төледі. Атырау облысының прокуратурасы экологиялық заңнаманы бұзғаны үшін кәсіпорынды әкімшілік жауапкершілікке тартты. Тексеру барысында шикі газды экологиялық рұқсатсыз шамадан тыс жағу фактілері анықталған. Сондай-ақ ТШО компаниясы да экологиялық талаптарды бұзғаны үшін қомақты айыппұл арқалады. Тексеріс нәтижесінде мұнай компаниясының екі жыл қатарынан ауаға 50 тоннадай ластаушы зат шығарғаны әшкере болды. Бұған қатысты әкімшілік іс қозғалып, сотпен 639 млн теңге көлемінде айыппұл салынды. Шешім заңды күшіне енді.

Нұрсұлтан Нұрсейіт