Жетісу облысында 77 үйдің шатыры жөнделіп жатыр

Жетісу облысында «Таза Қазақстан» бағдарламасы аясында 77 көпқабатты үйдің шатыры ауыстырылып жатыр. Олардың басым бөлігі 50 жылдан бері жөндеу көрмеген ғимараттар. Төрт аудан мен екі қаладағы баспаналарды жөндеуге 2 млрд-тан аса қаржы бөлінген. Бүгінге дейін 30 үйдің шатыры ауыстырылып, қасбеті жаңартылған.

Қуаныш Сейтімбеков, Талдықорған қаласы әкімінің орынбасары:

Күндіз-түні құрылыстың бас-аяғында бақылап жүрміз. Жұмыстар «Таза Қазақстан» бағдарламасы аясында жүргізіліп жатыр. Яғни, қала бойынша 39 үйдің шатырына жөндеу жұмыстары жүргізілуде.

Дамир Нұрмұхамет