Абай облысын сумен қамтуға қайтарылған активтер жұмсалуда

Қайтарылған активтерден 10 млрд теңгеден астам қаражат Абай облысын сумен қамтуға жұмсалуда. Үкіметтің дерегінше, өңірде барлығы 21 жоба қолға алынған, оның жетеуі – Семей қаласында. Сонымен қатар Бородулиха, Үржар және Абай аудандарына сумен жабдықтау желілері тартылады. Өнеркәсіп және құрылыс министрлігінің мәліметінше, облыс орталығы тұрғындарының 95,5 пайызы орталықтандырылған сумен қамтылған. Ал ауылдарда бұл көрсеткіш 95 пайызға жетіп отыр. Жаңадан қолға алынған жобалар халықты 100 пайыз ауызсумен қамтымақ. Барлық нысан жыл соңына дейін пайдануға беріледі деп жоспарланған. 

Эльмира Кәленова