Жетісу облысында «Мерейлі отбасы» ұлттық байқауының жүлдегерлері анықталды

Жетісу облысында «Мерейлі отбасы» ұлттық байқауының облыстық кезеңінің жүлдегерлері анықталды. Жалпы жарысқа өңірдің түкпір-түкпірінен 400-ден астам отбасы қатысқан. Соның ішінде бас жүлдені Бектеновтар отбасы иеленді. Марлан Бектенов 30-дан аса шабандоз тәрбиелеген бапкер. 7 бала тәрбилеп отырған отбасы Республикалық кезеңге жолдама алды.

Динара Бектенова, Ескелді ауданының тұрғыны:

Біздің байқауға қатысу себебіміз - бағымызды сынап көрейік дедік. Бізде үлгілі ұлағатты бетке ұстар отбасының бірі болған соң қатысып көрдік. Облысты жеңіп республикаға жолдама алдық.

Осындай марапатқа ие болғандардың бірі – Қаратал ауданынан Биболовтар әулеті. Олар – жалпы еңбек өтілі 75 жылдан асатын теміржолшылар. Адал кәсіпті бәрінен де биік қойған әулеттің еңбекқорлығы көпке үлгі.

Светлана Әбішева, Қаратал ауданының тұрғыны:

Теміржолда істеп жатқанымызға, теміржолшы әулетін есептеп көрсем, 400 жыл болады екен. Әкем, бауырларымыз - бәріміз теміржолшы әулетінен шыққанбыз. Теміржол бойында өстік. Осындай мерейтой болып жатқанына рахмет.

Дамир Нұрмұхамет