Жамбыл облысында есірткі сатқан әке мен балаға сот үкімі шықты

Елде есірткі саудасы екпіндеп тұр. Жамбыл облысында ірі көлемде есірткі сақтаған әкесі мен баласына сот үкімі шықты. Сотталушылар 2024 жылы 13 келіге жуық «гашиш» есірткі затын 1 млн теңгеге өткізіп жатқанда, қылмыс үстінде ұсталған. Сонымен қатар өздеріне тиесілі шаруа қожалығынан жалпы салмағы 185 келі «кептірілген марихуана» тәркіленген. Сот шешімімен әкесі мен баласы аса ірі мөлшердегі есірткі затын сақтап, тасымалдағаны және саудалағаны үшін 7 жылға бас бостандығынан айырылды. Үкім заңды күшіне енген жоқ. 

Жандос Бақытұлы