Астанадағы бала мінген лифт 9-қабаттан құлаған

Астанадағы тұрғын үйлердің бірінде бала мінген лифт 9-қабаттан құлаған. Ішінде болған жалғыз бала аман. Денсаулық сақтау басқармасының мәліметінше, ата-анасы ауруханаға өздері әкелген. Ауыр жарақаты жоқ. Енді үйден ем-шара қабылдайды. Әзірге лифттің құлауына не себеп болғаны белгісіз. Қазір қылмыстық іс қозғалып, оқиғаның мән-жайы анықталып жатыр. Осы ретте Полиция департаменті пәтер иелері кооперативтеріне жеделсатылардың техникалық жағдайын тұрақты түрде тексеріп, жөндеу жұмыстарын уақытылы қолға алу қажет екенін еске салады. 

Жанел Өтеулі