Еуропадағы орман өртін өшіру қиындап барады

Еуропа елдері орман өртімен алысып жатыр. Испанияда тілсіз жаудың кесірінен 158 мың мың гектар жер өртеніп кетті. Бұл Лондон қаласының аумағымен пара-пар, дейді билік өкілдері. Тілсіз жаудан бұл елде 3 адам, Португалияда 1 адам қаза тапты. Грекия, Испания, Португалия үкіметі қазір тұрғындарды жаппай оқшаулауға кірісті. Төтенше жағдаймен күреске өрт сөндірушілерден бөлек әскерилер, тұрғындар жұмылдырылғанымен, өртті ауыздықтау мүмкін болмай тұр. Сондықтан Еуропаның бірнеше мемлекеті ЕуроОдақтың өрт сөндіру қызметінің көмегіне жүгінді. Жақын күндері желдің жылдамдығы сағатына 74 шақырым болатынын айтқан синоптиктер өрт одан сайын күшеюі мүмкін, деп дабыл қағуда. 

Нұрсұлу Қасым