Мыңнан аса қазақстандық жалған инвестицияның құрбаны болды

Биыл 6 ай ішінде 11 мыңнан астам интернет-алаяқтық тіркелген. Шетелдік нөмірмен хабарласқан қаскөйлерді байланыс операторлары бұғаттауға тырысады. Осының арқасында шамамен 67 миллион қоңырау тоқтатылды. Бұл туралы Ішкі істер министрлігі хабарлап отыр. Сондай-ақ күмәнді брокерлік компанияларға, жалған инвестициялық жобаларға ақша салып, алданғандар бар. 1 мыңнан аса қазақстандық осындай схеманың құрбаны болды. Бұның алдын алу үшін мамандардың ескертуін тағы еске саламыз. Онлайн-саудада алаяқтарға алданбас үшін тауарды алғаннан кейін ғана төлем жасау қажет. Банктен, құқық қорғау және басқа да мемлекеттік органдардан WhatsApp арқылы хабарласқан болса, сенбеңіз. Шетелдік нөмірлерден сақ болыңыз.

Ақниет Балтанова