Алакөлдің солтүстік жағасы қоқыстан тазартылды

«Таза Қазақстан» экологиялық акциясы аясында Алакөл жағалауы қоқыстан тазартылды. Игі іске Абай облысы Мақаншы ауданынан 150-ге жуық тұрғын мен түрлі мекеме қызметкерлері қатысып, су айдыны айналасында ауқымды сенбілік өткізді.

Алакөл бүгінде жергілікті жұртшылықтың табиғи байлығы ғана емес кәсібіне айналған. Мұнда жазғы маусымда сырттан мыңдаған адам келіп, көл жағалауында демалады. Сондықтан айналасы лезде қоқысқа толып қалады. Бұл жолы акцияға қатысушылар 7 тоннадан астам тұрмыстық қалдық жинап, арнайы техникалармен полигонға шығарды. Жалпы, «Таза Қазақстан» эко науқаны аясында көктемнен бері өткізілген бұл 27-сенбілік.

Серік Шаяхметов, Мақаншы тұрғыны:

Алакөл жалғыз Мақаншы ауданынікі ғана емес, бүкіл республикамызға белгілі, сондай қасиетті көл. Жан-жақтан келіп жатқандықтан, көліміздің таза болуы – бәрімізге үлкен жауапкерлішік жүктейді.

Әділбек Серікұлы