Көкшетауда бес сатылы су тазарту жүйесі іске қосылды

Жаңа нысан тәулігіне 30 мың текше метр суды тазартып, сүзгіден өткізуге қауқарлы. Бұл ауызсудың сапасын біршама арттырып, көкшетаулықтарды тіршілік нәрімен үздіксіз қамтамасыз етеді. Бұған дейін кермек татқан кран суын пайдаланғысы келмеген шаһар тұрғындары 10 жылдан аса уақыт тіршілік нәрін сатып алып ішті. Енді алдағы екі айда барлық құбыр желілері тазартылады.

Шияп Әлиев, Көкшетау тұрғыны:

Көптен күткен күніміз. Біздің Көкшетауға таза су келмегелі көп болып еді. Ол мәселе ылғи халықтың аузында болып еді. Міне, ашып жатырмыз, енді су таза болады. Краннан ішуге болады. Сондықтан бұл үлкен оқиға – қала үшін, жұрт үшін.

Бибінұр Әмірханқызы