Қарағанды облысы Құйрықтыкөл кен орнында 28,2 млн тонна сирек металл қоры бар

Қарағанды облысы Құйрықтыкөл кен орнындағы жер асты металдарының қоры 28,2 млн тонна болуы мүмкін. Мамандардың айтуынша, бұл – минералды-шикізат базасын кеңейтіп, сирек кездесетін және қымбат металдарды қайта өңдеуге арналған жаңа өндірістерді салуға мүмкіндік береді. Қарқаралы ауданында орналасқан кен орнына 1 жыл бойы барлау жұмыстары жүргізіліп, сәуір айында алғашқы нәтижелері шықты. Онда алтын, мыс және вольфрамның қоры анықталды. Одан бөлек сирек кездесетін жер асты металдары да мол дейді мамандар.