Жетісу облысындағы колледждерде 14 жаңа мамандық ашылды

Жұмысшы мамандықтар жылында Жетісу облысының кәсіптік білім беретін оқу орындарында студенттер 14 жаңа мамандықты игереді. Өңірдегі 27 колледжде ауылшаруашылығы, өңдеу өнеркәсібі, туризм индустриясы, ақпараттық технологиялар мен энергетика саласына қажетті мамандар даярлайды. Солардың бірі Талдықорған жоғары политехникалық колледжі. Білім ошағы Оңтүстік Корея, АҚШ және Қытай елдерімен серіктестік орнатқан. Нәтижесінде студенттер IT, дизайн, электроника, робототехника бойынша тереңдетілген білім алуда. Сондай-ақ биылғы оқу жылынан бастап дрон операторы мамандығы оқытылып жатыр.

Шыңғыс Нұрғожаев, политехникалық колледж директоры:

Биылғы жылда жаңа мамандықтар ашылды. Қазіргі таңда жаңа мехатроника мамандығы ашылып, базамыз жаңартылып жатыр. Үлкен қазақстандық компаниялармен келісім жүргізіп жатырмыз. Одан бөлек Қытайдың үздік оқу орындарының үшеуімен келіссөз жүргізіп меморандумға қол қойдық.