Тазалық сақтамағандарға 71 миллион теңге айыппұл салынды

«Таза Қазақстан» акциясы аясында Абай облысының полицейлері қоғамдық орындарды ластайтындарды бейнебақылау камералары арқылы анықтап айыппұл салып жатыр. Биыл облыс бойынша 8 мың құқықбұзушылық тіркелсе, соның 2400-ге жуығын жедел басқару орталығының мамандары әшкерелеген. Көшеге қоқыс тастап, шылым тұқылын лақтырғандар мен рұқсат етілмеген жерлерге тұрмыстық қалдықтарды төгетіндерге 20-дан 100 айлық есептік көрсеткішке дейін айыппұл қарастырылған. Полицейлер жыл басынан бері мұндай тәртіп бұзғандарға 71 миллион теңге айыппұл салған.