Электронды поштаның құпиясөзін ауыстыруға кеңес берілді

Қазақстандықтар шұғыл электронды поштасындағы құпиясөзін өзгерту керек. Бас прокуратура азаматтарға осындай өтініш білдіріп, ескерту жасады. Әлемдік интернет кеңістігін бақылау барысында «Google» деректер базасы бұзылғаны анықталған.  Хакерлік топ  2,5 миллиардқа дейінгі парақшаға қатысты байланыс деректерді алған, бірақ олар құпия сөздерді қолды қыла алмады. Сондықтан Google атынан қоңырау шалып, жалған хабарламалар таратып, қолданушылардан Gmail құпиясөзін қалпына келтіруді талап еткен. Осылайша олар кодтар мен құпиясөздерді иемденген. Сондықтан парольді ауыстырып, хабарламаларға мұқит қарап, сақтық танытқан жөн,-дейді құзырлы орган өкілдері.