Цифрлық штаб Жолдауды орындау үшін бірқатар шешім қабылдады

Астанада Премьер-министр Олжас Бектеновтың төрағалығымен Цифрлық штабтың отырысы өтті. Онда мемлекеттік органдарға бірқатар тапсырма берілді. Әсіресе, отын-энергетикалық кешенінде Салалық ақпараттық қауіпсіздік орталығының жұмысын қамтамасыз ету тапсырылды. Енді, энергетика саласына жасанды интеллекті технологиялары енгізіледі. Электр және жылу желілерін диагностикалау үшін дрондар қолданылмақ.

 Дмитрий Мун, Цифрлық даму, инновациялар және аэроғарыш өнеркәсібі вице-министрі:

Салалық ақпараттық қауіпсіздік орталығын құру туралы шешім қабылданды. Бұл қадам - энергетикалық жүйенің киберқауіпсіздік саласындағы шараларын күшейте түседі. Орталық мамандары саланың ақпараттық қауіпсіздігін қамтамасыз ету үшін оның ерекшелігін ескере отырып, энергетикалық объектілерге қойылатын жаңа талаптарды әзірлейтін болады.