Қызылорда облысында 41 мыңнан аса адам мемлекеттік жәрдемақы алады

Президент Қазақстан халқына Жолдауында: Мемлекет өзінің негізгі міндеттерін орындаудан бас тартпайды. Бірақ әлеуметтік жеңілдіктерді қолдан көбейту – елді дамытуға, басқа да нысандар салуға жұмсалуы қажет қыруар қаражатты желге шашу деп, - салада жіберілген кемшіліктерді қатаң сынады.

Мәселен Қызылорда облысында бүгінде 41 мыңнан аса адамға мемлекеттік жәрдемақы тағайындалған. Өткен жылмен салыстырғанда өсім 0,1 пайызды құрап отыр. Бүгінде соның 25 мыңы мүгедектігі бойынша есепте тұрғандар. Ал басқа санаттар бойынша көрсеткіш біршама төмендеген.

Бекболат Шәріпбеков, халықты әлемуеттік қорғау саласындағы реттеу және бақылау комитетінің Қызылорда облысы бойынша Департаменті басшысы:

Асыраушысынан айрылғандарға тағайындалған әлеуметтік жәрдемақы саны 8179 адамды құраса, бұл көрсеткіш өткен жылдың осы кезеңімен салыстырғанда 1,6 пайызға азайған. Ал арнаулы мемлекеттік жәрдемақы алушылар саны 7518 адамды құраса, бұл өткен жылдың осы кезеңімен салыстырғанда 199 адамға немесе 2,6 пайызға азайып отыр.

Әділбек Серікұлы