Семейде өрт сөндіру депосы пайдалануға берілді

Бүгін Семейде өрт сөндіру депосы пайдалануға берілді. Жаңа нысан барлық қажетті техника, құрал-жабдықтармен қамтылған. Құрылыс «Демеу Қазақстан» корпоративтік қоры есебінен қаржыландырылған. Ғимараттың жанында қызметкерлердің спортпен шұғылдануына мүмкіндік беретін фитнес-залы, демалатын бөлмелері бар. Төтенше жағдайлар министрі мен облыс әкімі өрт депосын салтанатты түрде ашып, мамандарға арнайы техниканың кілттерін табыстады. Абай облысының Төтенше жағдайлар департаментінің материалдық-техникалық базасын нығайтуға биыл облыстық бюджеттен 1 милиард 300 миллион теңге бөлінген. Соның нәтижесінде 200-ден астам заманауи техника сатып алынды. Бұл жұмыстар әлі де жалғасын табады, дейді мамандар.

Шыңғыс Әрінов, Төтенше жағдайлар министрі:

30 жылда ең алғашқы құрылысымыз. Бүгін қабылдап жатырмыз. Құрылыс тұрмақ, ешбір күрделі жөндеу жұмыстары жүргізілмеген. Мұның бәрін қолға алдық. Бірлесіп жоспар құрып жатырмыз. Абай өңірінде тура осындай өрт сөндіру бөлімдері, құтқару бөлімдері бүкіл өңір бойынша салатын ойымыз бар.