Қарағанды облысында «Жауынгерлік достастық – 2025» тактикалық оқу-жаттығуы қорытындыланды

Қарағанды облысындағы «Сарышаған» полигонында бірлескен «Жауынгерлік достастық – 2025» тактикалық оқу-жаттығуы сәтті аяқталды. Әскери жиынға Қорғаныс министрі, Қарулы күштер түрлерінің бас қолбасшысылары, әскер тектерінің қолбасшылары қатысты. Оқу-жаттығуға 1500-ден астам әскери қызметші, 200-ге жуық әскери және арнайы техника, сондай-ақ 30-дан аса ұшу аппараттары жұмылдырылды. Қорғаныс министрі оқу-жаттығу міндеттерін сапалы орындау, әскери инфрақұрылым нысандарын жұмыс күйінде ұстау, қару-жарақ пен оқ-дәрілерді сақтау тәртібін қатаң сақтау жөнінде нақты тапсырмалар берді.