Елімізде ЖІӨ өсімі 6,5 пайызға артты

Биылғы жылдың қаңтар-тамыз айларында еліміздің жалпы ішкі өнімнің өсімі 6,5 пайызға артты. Өсімнің негізгі факторлары – сауда, өнеркәсіп және байланыс салаларындағы оң динамика. Бұл туралы Ұлттық статистика бюросы мәлімдеді. Тарқатып айтсақ, машина жасау бойынша, тамақ өндірісінде, мұнай өңдеу және химия өнеркәсібі саласында өсім байқалады. Одан бөлек металлургия және сауда көлемі артқан. Аймақтар бойынша көрсеткішке қарасақ, ең жоғары өсім Шымкент қаласында. Одан кейін Шығыс Қазақстан және Жетісу облыстарында оң өзгеріс бар. Экономиканың басқа да секторлары тұрақты өсім көрсетіп, елдің жалпы ішкі өнімінің артуына үлес қосты. Сарапшылар бұл  экономиканы әртараптандырудың жемісі дейді.

Бауыржан Ысқақ, экономист:

Мұнай-газ саласын қазір мұнай химия деп айтуға да болады. Бір кездері әлемге шикізат ретінде сатсақ, қазіргі уақытта мұнай дайын өнімге айналып барып, бензинге, тағы да басқа өнеркәсіпке қажетті дайын өнім болып шығуы. Яғни экономикадағы әртараптандыру саясаты нәтижесін беріп жатыр деп айтуға болады.