«Qazaq Digital Mektebi» жобасы білім сапасын арттырады

Қашықтан оқыту тәсілі және жасанды интеллект технологиясы негізінде «Qazaq Digital Mektebi» атты шағын жинақты мектеп үлгісін әзірлеуіміз қажет.

Бұл туралы Мемлекет басшысы Қасым-Жомарт Тоқаев Қазақстан халқына Жолдауында айтқан еді. Қазақстанда қазір 2650 шағын жинақты мектеп бар. Арнайы жоба осы білім ордаларындағы кадр тапшылығы және қала мен ауыл арасындағы білім сапасы алшақтығын азайтуға бағытталған. Егер мұғалім жетіспесе, сабаққа өзге ұстаздар онлайн қосылып, дәріс береді.

Қаныбек Жұмашев, ҚР Оқу-ағарту министрлігі орта білім беру комитетінің төрағасы:

«Qazaq Digital Mektebi» концепциясы қазір дайындалуда. Бір-екі айдың ішінде ғалымдарды тарта отырып, Ы.Алтынсарин атындағы Ұллтық білім академиясының күшімен жасақталады. Ақтөбе облысында 134 мектепте 2023-2024 жылы пилоттық режимде іске асырылды. 1 оқу жыл бойы осы қашықтан сабақ берілді. Білім сапасы 4,5 процентке артты.