Биыл еліміздің мектептерінде ЖИ-ді үйрету бойынша қосымша сабақтар енгізілді

Биыл еліміздің мектептерінде оқушыларға жасанды интеллектіні сауатты пайдалануды үйрету бойынша қосымша сабақтар  енгізіліп отыр.

Жасанды интеллектімен жұмыс істеу – артықшылық емес, қажеттілікке айналды. Сондықтан биыл Көкшетаудағы №20 мектеп-гимназиясының ұстаздары жасанды интеллектіні сабақта пайдалану бойынша білімін жетілдіріп, арнайы оқу курсынан өткен. Жаңа технологияның қыр-сырын меңгерген мұғалімдер сабаққа дайындалуға кететін уақытымызды барынша үнемдеп отырмыз дейді. Енді информатика мұғалімдері алған  білімін оқушыларға үйретуді қолға алып отыр. Қазірдің өзінде оқушылар жасанды интеллектінің көмегімен арнайы тақырыптар бойынша презентация жасап жүр.

Минас Ерланұлы, информатика пәнінің мұғалімі:

ЖИ бойынша сабақты жүргіземін. Сол жерде біздің оқушылардың ЖИ функционалды өмірде қолдануы, қандай ЖИ тиімді тұстарын үйрету жұмыстары жүргізіліп басталды деп айтуға болады. Білесіздер, күні кеше ғана Президентіміздің Жолдауында ЖИ барлық салада толыққанды қолдануды тапсырма берген болатын. Осы орайда педагогтар қауымы бастап кетті.