Жетісу облысында жедел жәрдем көліктері табысталды

Жетісу облысында дәрігер тапшылығы мәселесін шешу үшін былтырдан бері оларға көтерме ақы төлене бастады. Нәтижесінде өңірдегі кадр тапшылығы 20%-ға қысқарған. Санитарлық автопарктер де 167 жаңа көлікпен толықты. Бүгін тағы 29 жедел жәрдем машиналарының кілті аудандық және қалалық медициналық ұйымдарға табысталды. Жаңа көліктер қажетті заманауи құралдармен жабдықталған.

Байқадам Құрымбай, Ақсу аудандық ауруханасының директоры:

21 маман жетіспейтін. Бүгінгі күні 16-сы жұмысқа келіп, бір реттік 10 млн теңге көлемінде қаражат алды. 250 млнға замануи құрал-жабдықтар алып жатырмыз. Сонымен қатар, бізде 7 ауылда БМК орнатылып, қолданысқа берілді. Шалғайдағы 90 жылдағы, 2000 жылдағы автокөліктер болатын. Қазір міне 9-шы машинамызды алып қуанышымыз шексіз.