Өңдеу өнеркәсібіне ден қойыла бастады

Президент Жолдауда өңдеу өнеркәсібіне ерекше басымдық беру қажет екенін де айтты. Саланың ішкі жалпы өнімдегі үлесі 12 пайыздан асты. Өткен жылы 163 жаңа өндіріс іске қосылып, 12 жарым мың жұмыс орны ашылды. Дегенмен бұл бағыттағы жұмысты әлі ширата түсу қажет. Елімізде жаңа зауыттар салып, жоғары технологиялық кәсіпорындарды дамыту керек. Ал өңір тұрғындарының айтуынша, бұл бастамалар жұмыс орындарын көбейтіп қана қоймай, жастарға да тың мүмкіндік беруі тиіс.