Әлеуметтік желідегі жеке деректердің құпия болуы маңызды

Компьютер мен смартфондағы бағдарламаларды жаңартып отыру маңызды. Компьютерлік ғылымдар кандидаты Динара Қожамжарованың айтуынша, бұл қадам алаяқтардың жеке деректерді пайдаланып, түрлі заңсыз әрекеттер жасауына жол бермейді. Маманның сөзінше, фишингтік хабарламалар көбіне психологиялық қысымға негізделеді екен. Сонымен қатар әлеуметтік желілерде жарияланған жеке ақпарат алаяқтарға фишингтік хабарламаларды құрастыруға мүмкіндік береді. Сондықтан интернеттегі деректердің құпиялылығына ерекше мән беру қажет дейді маман.

Динара Қожамжарова, компьютерлік ғылымдар кандидаты:

Ашық вай-файға қосылу – бір қауіптің түрі. Себебі ол жерде сіздер банктік операциялар жасайтын болсаңыздар, құпия сөздерді енгізетін болсаңыздар, алаяқтар сол жерде отырып алуы мүмкін. Егер қосылу керек болса, ВПН қолдану керек. Ол жерде барлық беріп жатқан ақпаратты шифрлайды да, ол көрінбейді.