Науқастардың жағдайы тұрақталса, Астанаға жеткізіледі

Маңғыстауда жол апатынан зардап шеккен екі науқас Астанаға жеткізілмек. Қазір олар облыстық көпбейінді ауруханада, жағдайлары ауыр. Одан әрі емдеу бойынша республикалық орталық мамандарымен телемедициналық консультациялар өткізілген. Екі пациентті елордадағы Ұлттық шұғыл медицинаны үйлестіру орталығының клиникасына жатқызу ұсынылды. Науқастардың біріне полижарақат диагнозы қойылған, екі өкпесі де көгерген, бұл десатурация кезеңдерін тудырады және тасымалдауды қиындатуы мүмкін. Басқа пациенттің жағдайы салыстырмалы түрде тұрақты, енді алаңдаушылық туғызбайды. Апаттан зардап шеккен үшінші адам Жаңаөзен қаласының ауруханасында, оның жағдайы тұрақты. Еске салайық, 11 қыркүйекте аймақта жол көлік апаты болып, 10 адам қаза тапты.