Көкшетауда ЖОО базасында «Заң клиникасы» ашылды

Жолдауда «Заң мен тәртіп» қағидаты аясында халықтың құқықтық сауаттылығын арттыруға мән берді. Осыған орай Көкшетаудағы Шоқан Уәлиханов атындағы университетте «Заң клиникасы» ашылды.

Жоғары оқу орнында алдағы уақытта азаматтар тегін құқықтық көмек ала алады. Яғни, бұл жерде заң кеңесшілері, жеке сот орындаушылар, нотариустар мен адвокаттар және Әділет департаментінің мамандары кеңес береді. Әзірге университетпен аталған органдар арасында ынтымақ туралы меморандумға қол қойылды. Мұндай орталықтар еліміздің барлық өңірлерінде ашылмақ.

Баукен Әлмеш, облыстық Әділет департаментінің басшысы:

Қазіргі танда әділет органдардына жүктелген басты мақсаттың бірі – жастардың арасында құқықтық сауаттылықты арттыру және шалғай жатқан аудандардағы азаматтардың құқықтық денгейін арттыру. Бұл жерде жастардың арасында заң студенттерімен бірлесіп, осы клиниканың базасын пайдалану.