Атырауда штапель талшығын өндіретін зауыт іске қосылады

Келер жылы Атырауда жоғары сапалы штапель талшығын өндіретін зауыт іске қосылмақ. Кәсіпорын пластик бөтелкелерді қайта өңдейді. Жоба құны 2 млрд теңге. Жергілікті кәсіпкер «Жасыл даму» бағдарламасы аясында 3 пайыздық мөлшерлемемен жеңілдетілген несие алған. Соның арқасында шетелден өндіріске қажетті құрал-жабдықтарға тапсырыс берген. Қазір кеңес кезінен қалған ғимаратты қайта жөндеп жатыр. Егер жоба жүзеге асса, қоршаған ортаға зияны жоқ құрылыс және басқа да инновациялық материалдар шығарыла бастайды. Зауыт алдағы көктемде ашылмақ.

Азамат Асылбеков, ЖШС құрылтайшысы:

Құрылғыларды алу бойынша Фибратекс жобасына 1 млрд 150 млн теңге қаржы алдық. Бұл қаржылар Қытайға өндірушілерге жөнелтілді. Енді алдағы қараша, желтоқсан айының соңына екі бөлек линияларымыз келу керек өндірістік.