Биыл 7 млн тонна астық жиналады

Мемлекет басшысы бүгін Ақмола облысына жұмыс сапарымен барды. Президент ең әуелі егін жинау науқанымен танысты. Биыл өңірдегі егіс алқабы 300 мың гектарға ұлғайып, 5,5 млн гектарға дән себілді. Нәтижесінде 7 млн тонна астық алынады деген жоспар бар. Майлы дақылдар алқабын ұлғайту жұмыстары да жалғасып жатыр. Оның көлемі 2,5 есе артып, 495 мың гектарға жеткен. Сапар аясында Президент ауыл шаруашылығы өнімдерінің көрмесін аралап көрді. Көрмеде жергілікті тауарлар: жартылай фабрикаттар, консервілер, ет, сүт және нан өнімдері қойылған.