Мемлекет басшысы Шахмат үйіне барды

Мемлекет басшысы бұдан соң Шахмат үйіне барды. Ғимарат бұрын Президент резиденциясы болған. Мемлекет басшысының тапсырмасымен нысан балалардың игілігіне беріліп, былтыр желтоқсан айында Шахмат үйі ретінде есігін айқара ашты. Бүгінде арнаулы орталықта оқу-жаттығу жиындары, гроссмейстерлердің шеберлік сағаттары ұйымдастырылып тұрады. Қасым-Жомарт Тоқаев жас спортшылармен әңгімелесіп, мемлекет шахматты дамытуға, сондай-ақ балалар мен жастар арасында насихаттауға ерекше мән беретінін атап өтті.