Еуропалық сарапшылар діндер съезіне үлкен үміт артады

«Әлемдік және дәстүрлі діндер көшбасшыларының VIII съезі ғаламда бейбітшілік орнатуға қомақты үлес қосады». Орталық Азия бойынша Еуропалық сарапшы Альберто Тюркстра осылай дейді. Өзі үш жыл бұрын өткен конференцияға «Дипломатиялық әлем» басылымының атынан қатысып, басқосу жайлы көлемді мақала жариялаған. «Жаһандық келісім мен өзара түсіністікті насихаттауға бағытталған сьездің салмақ-абыройы жыл өткен сайын артуда», - дейді сарапшы.

Альберто Тюркстра, «Дипломатиялық әлем» басылымының жоба жетекшісі, орталық Азия бойынша тәуелсіз сарапшы:

Әлемдегі ахуал ушығып, діни қақтығыстар өршіген тұста осы конференцияны өткізудің маңыздылығы одан сайын арта түсті. Себебі бізге диалогты дамыту үшін осындай платформалар өте қажет. Осындай пікірлатас алаңы өзара түсіністікке ықпал етіп, ұзаққа созылған қақтығыстарды шешуге септігін тигізеді.