Маңғыстау облысында есірткі қылмысына қатысты екі шенеунік ұсталды

Маңғыстау облысында есірткі қылмысына қатысты екі шенеунік ұсталды. Полиция «Қарасора-2025» жедел-профилактикалық іс-шарасы аясында Мұнайлы ауданында есірткі қылмысына күдікті үш тұрғынды ұстаған. Күдіктілердің қатарында Мұнайлы ауданы әкімінің орынбасары мен Атамекен ауылдық округі әкімінің орынбасары бар. Аталған дерек бойынша сотқа дейінгі тергеу басталып, аудан әкімінің орынбасары уақытша ұстау изоляторына қамалған.

Әйгерім Ибатуллаева, облыстық ПД баспасөз хатшысы:

Басқаларға қатысты бұлтартпау шарасын таңдау мәселесі қаралуда. Қажетті тергеу әрекеттері жүргізілуде. Алынған заттар бойынша сараптама тағайындалды.