Электросамокаттарға қатысты жол апаты 2 есе көбейді

Елімізде электросамокаттарға қатысты жол апаты көбейді. Жыл басынан бері 153 жағдай тіркеліпті. Бұл көрсеткіш былтырғымен салыстырғанда екі есе жоғары. Ең көп жол апаты Алматы қаласында – 79 оқыс оқиға. Астанада 38, Шымкентте 11. Сәйкесінше зардап шеккендер саны да өсіп отыр. Қос дөңгелікті техникамен болған қақтығыстардан 173 адам жарақат алған. Олардың тең жартысы – кәмелетке толмағандар. Сонымен қатар биыл мұндай жол апатынан бір адам көз жұмған. Статистика тек зардап шеккен адамдар мен зақымданған көліктер қатысқан жағдайларды қамтиды. Шын мәнінде жол қозғалысы ережелерін бұзу фактілері бұдан да көп. Сондықтан электросамокаттарды пайдалануға қатысты қатаңдату шаралары қолға алынып жатыр.

Жалға беретін компаниялармен бірлесе отырып мемлекеттік нөмірге ұқсас нөмірлер бекітіледі. Сол бекітілген нөмірлерге байланысты осы самокаттарды бақылау іске асырылады. Яғни одан бөлек электросамокаттардың жылдамдығын анықтау үшін жаңаға мемлекеттік нөмірінен сәйкес өзінің тіркеу нөмірлерін электросамокаттың ыңғайлы жеріне орналастыру арқылы осы автоматты түрде тіркеу жүйелері, камералар дейміз ғой, солармен реттеу жұмыстары да жүргізіледі.