Қазақстан палуандары 3 медаль жеңіп алды

Хорватияда күрес түрлерінен өткен Әлем чемпионатында қазақстандық палуандар 3 медаль жеңіп алды. Оның біреуі алтын, қалған екеуі қола жүлде. Біріншілікте баарлығы 29 бозкілем шебері ел намысын қорғады. Солардың арасында оқ бойы оза шауып, қарсылас шақ келтірмеген Айдос Сұлтанғали Әлем чемпионы атанды. Грек-рим күресінен қазақстандық жанкүйерлер бұл тарихи жүлдені 26 жыл күткен еді. Бұдан бөлек еркін күрес шеберлері де бос қайтпады. 61 келідегі Асылжан Есенгелді мен 70 келі салмақта күрескен Нұрқожа Қайпанов үшінші орыннан көрінді.

Айта кетейік, келесі жылы әлем біріншілігін Бахрейн астанасы Манама қабылдайды.