Бельгия әуежайы кибершабуылдан әлі айыға алмай отыр

Бельгия әуежайы кибершабуылдан әлі айыға алмай отыр. Естеріңізге салсақ, жұма күні кешке хакерлер жолаушыларды тіркеу мен ұшаққа отырғызу жүйелерін қамтамасыз ететін компанияға шабуыл жасап, салдарынан Еуропаның бірнеше әуежайында техникалық ақау болды. Бүгін Брюссель  әуежайынан ұшып қонатын 70-ке жуық рейс тоқтатылды. Себебі электрондық жүйе істен шыққалы қызметкерлер жолаушылар мен жүктерді қолмен тіркеп, үлгермей жатыр. Әуекомпания өкілдері жолаушыларға кемінде 3-4 сағат ерте келуді ескертуде. Әуежайдың жұмысын қалпына келтіруге тағы бірнеше күн қажет дейді мамандар.