Қосылған құн салығын көтергеннен дағдарыс болмайды

 Қосылған құн салығын көтергеннен елімізде дағдарыс болмайды. Сенатта Ұлттық экономика вице-министрі Азамат Әмрин журналистердің сұрағына осылай деп жауап берді. Оның айтуынша, көптеген тауар қосылған құн салығынан босатылады. Мәселен, ауыл шаруашылығы тауарын өндірушілер және ең қажет деген азық-түлік өнімдерін өндіретін шаруашылықтарды атап өтуге болады. Сондықтан қосылған құн салығының өсуіне байланысты арнайы бағаны көтеруге заңды немесе экономикалық негіз жоқ,-деді вице-министр.

Азамат Әмрин, Ұлттық экономика вице-министрі:

Қосылған құн салығы өсімінің инфляцияға жалпы әсері екі-екі жарым пайыз мөлшерінде болады деп күтіліп отыр. Ол аса байқалмайды, өйткені көптеген тауар өндіруші салықтан босатылған. Құн салығын көтергеннен дағдарыс болмайтыны анық.