Қазақстан мен Қытайдың талдау орталықтарының II форумы өтті

«Сенімге негізделген диалогтан ортақ жетістіктерге». Осындай атаумен Астанада Қазақстан мен Қытайдың талдау орталықтарының II форумы өтті. Іс-шараны Президент жанындағы Қазақстан стратегиялық зерттеулер институты мен Қытай қоғамдық ғылымдар академиясының Ресей, Шығыс Еуропа және Орталық Азия институты ұйымдастырды. Форум екі елдің жетекші талдау орталықтарының және мемлекеттік институттарының тәжірибе алмасып, маңызды тақырыптарды талқылауға арналған.