Биыл Қызылорда облысының жастарына 100 пәтер беріледі

Мемлекет басшысы Жолдауда «Ғылым-білімге ұмтылған, елін-жерін көркейтуді ойлаған жастарға әрдайым жан-жақты қолдау көрсете береміз», - деп жастар саясатына айрықша мән берген еді. Әр өңірде осы бағытта ауқымды жұмыстар атқарылуы тиіс.

Мәселен, Қызылорда облысында жастар ресурстық орталықтары түгелдей заманауи ғимаратқа көшірілді. Онда ізденімпаз жастар ІТ технологияларды меңгеріп, спортпен шұғылданып, шығармашылықпен айналысуына жағдай жасалған. Сондай-ақ, түрлі «start-up» жобалар әзірлеуге мүмкіндік бар. Ал соңғы екі жылда «Сыр жастары» тұрғын-үй ипотекалық бағдарламасы сәтті жүзеге асырылып келеді.

Әліби Басаров, облыстық Жастар ресурстық орталығының директоры:

«Сыр жастары» ипотекалық тұрғын үй бағдарламасы яғни, жеңлдетілген пайызбен осы Сыр жастарына алғашқы 100 үйді табыстаған болатынбыз. Және де қазіргі таңда тағы да осы 25 жылға арнайы 100 үйге байланысты құжаттар қабылдау, өтінім қабылдау мәселелері жүзеге асырылуда.