Соңғы 5 жылда жұмысшы мамандықтарының жалақысы 2 есе өскен

Президенттің тапсырмасына сәйкес 2020 жылдан бастап жұмысшы мамандықтардың жалақысы жылына орта есеппен 20 пайызға кезең-кезеңімен көтеріліп келеді. Нәтижесінде биыл олардың айлық табысы 2 есе өскен. 

Мәселен, бүгінде дәнекерлеушінің орташа еңбекақысы 500 мың теңгеге жуықтайды. Механик айына 267 мың, электрик 300 мың, құрылысшы 450 мың теңге табыс табады. Ал кран машинистерінің жалақысы 350 мыңнан бастап, жұмыстың күрделілігі мен техниканың түріне қарай көтеріле береді. Тігіншілер орташа есеппен 250 мыңнан жоғары, ал бұрғылау ісімен айналысатындар 600 мыңның төңірегінде еңбекақы алады.