Испания тұрғыны - «Қайрат» командасына жанкүйер

Испания азаматтары арасында да «Қайраттың» жанкүйерлері көп. Мадрид қаласының тұрғыны Педро Мали: «Бүгін «Реал Мадридтің» емес, алматылық «Қайраттың» тілеуін тілеймін», – дейді. Кәсіпкер «Қайрат» командасының «Селтикпен» ойынын тамашалап, жас жігіттердің кәсіби шеберлігіне тәнті болған. Бүгінгі байрақты бәсекеде қазақстандық футболшылардың асығы алшысынан түседі деген үмітте.

Педро Мали, Мадрид қаласының тұрғыны:

«Қайрат» - жас команда. Бірақ соған қарамастан жас жігіттер жанып тұр. «Реал Мадрид» — әлем танитын мықты ойыншылар. Сондай шеберлермен бәсекеге түсетін қазақстандық жігіттер осал емес. Мен «Қайратқа» жанкүйермін. Қызықты, тартысты ойын күтемін».