Ресей демографиялық дағдарысқа ұшырады

Ресейде демографиялық дағдарыс белең алды. Бала туу көрсеткіші жыл сайын 3-5 пайызға азаюда. 2030 жылға қарай халық саны 30 пайызға дейін қысқаруы мүмкін дейді мамандар. Басты себеп өмір сүру деңгейінің төмендеуі, инфляция және ажырасу күрт артқан. Сондықтан ажырасқандарға айыппұл салу мәселесі де қаралуда. Сонымен қатар ажырасқандарға мемлекеттік баж салығын 5 мың рубльден 100 мың рубльге, яғни 650 мың теңгеге дейін көтеру ұсынылды.

Дмитрий Пекуровский, сарапшы:

Зерттеулердің нәтижесінде жастардың 82 пайызы 30 жасқа дейін отау құрып, балалы болғысы келетінін айтқан. Алайда көрсеткіштер көңіл көншітпейді. Сондықтан мемлекет тарапынан әлеуметтік қолдауды арттырған жөн. Әсіресе жас отбасыларға ипотекалық несие жеңілдесе, менің ойымша, бала туу көрсеткіші артатын еді.