Спорт дәрігері ұшақта талған азаматты аман алып қалды

Семейлік «Елім-ай» футбол клубының дәрігері «Өскемен-Алматы» әуе рейсі кезінде денсаулығы күрт нашарлап, есінен танып қалған жолаушыны құтқарып қалды. Науқасқа шұғыл түрде алғашқы медициналық көмек көрсетіп, жүрекке массаж жасаған спорт дәрігерінің есімі Әсет Жарықбасов. Ол медицина саласында 10 жылдан аса қызмет етіп жүрген тәжірибелі маман. Біз дәрігермен байланысқа шығып, оқиғаның мән-жайын өзінен сұрап білдік.

Әсет Жарықбасов, «Елім-ай» ФК дәрігері:

Жедел түрде медициналық көмек көрсетілді. Жүрек-өкпе реанимацияны өзім жасап, науқасты есіне келтірдім. Алматыға келгеннен кейін науқасқа жедел медициналық көмек көрсетілді. Қазіргі уақытта науқастың денсаулығы тұрақты.