Матчқа билет сатқан алыпсатарлар тексерілуі мүмкін

Күні кеше өткен «Қайрат» - «Реал» матчына билет бағасын шарықтатқан алыпсатарлар тексеріледі. Бұл туралы Ішкі істер министрінің орынбасары Санжар Әділов айтты. Бұған дейін әр адамға жеке ЖСН нөмір арқылы бір ғана билет берілетіні айтылған еді. Ал әлеуметтік желіде тарихи ойынның билетін елімізге танымал өнер адамдарының балалары 2-3 есе қымбатқа сатып жатқаны туралы мәлімет тарады.Қанша кезек күтсе де бір билетке қол жеткізе алмаған жандар алыпсатарлардың жазаланағанын қалайды.

Санжар Әділов, ҚР Ішкі істер министрінің орынбасары:

Бұл ақпаратты енді ғана біліп отырмын. Тексеру жүргізуге дайынбыз, бірақ ол үшін ресми, нақты арыз түсуі қажет. Міндетті түрде тексеру шаралары жүргізіледі. Біз заңда белгіленген тәртіпке сай шешім қабылдаймыз.