Талдықорғандықтар Жеңістің 80 жылдығына ағаш екті

Талдықорғанда «Таза Қазақстан» экологиялық акциясы аясында ерекше маңызға ие шара өтті. Еріктілер мен жастар, қоғамдық ұйым өкілдері және қала тұрғындарын қоса алғанда 30-дан аса адам жеңістің 80 жылдығына арнап, ағаш көшеттерін екті. Игі шара жас ұрпаққа ел тарихын қастерлеумен қатар табиғатты аялап, жанашырлық танытуға үйретеді. Әрбір егілген ағаш – майдангерлердің батырлығын ұмыттырмайтын ескерткіш, бейбіт өмірдің құнын ұғындыратын естелік, дейді қатысушылар.

Аяла Болат, қатысушы:

Бұл біз үшін үлкен мәртебе. Тарихи сәт. Себебі қаншама ата-бабамыз тер төккен. Сондықтан біз өзіміздің жемісіміздің дәмін сезіп, ағаш отырғызып, экологияға үлесімізді қосып отырмыз. Осы ағаштар бізбен бірге өседі деген үміттеміз.