Президент: ЖИ бейбіт мақсатқа ғана қолданылуы керек

Жасанды интеллект тек бейбіт мақсатта ғана қолданылуы тиіс. Бүгін Digital bridge форумы аясында пленарлық отырысқа қатысып, сөз сөйлеген Мемлекет басшысы осылай деді. Жиынға Мажарстанның Президенті Тамаш Шуйокпен қатар алпауыт компания өкілдері мен халықаралық сарапшылар қатысты. 

Раушан Сайлауқызы, тілші:

Мемлекет басшысы ең әуелі жиынға келген мәртебелі меймандарға алғысын білдіріп, «Дижитал бридж» шарасы маңызды пікір алмасу алаңына айналып үлгергенін айтты. Президент ең әуелі жасанды интеллект тек бейбіт мақсатта қолданылуы тиіс екеніне тоқталды. Мәселен, әскери салада, кибер шабуылдарға, халықаралық тұрақтылыққа қатер төндіретін жобаларға қолдануға болмайды. Сондықтан жауапкершілікпен қолдану аса маңызды. Сын қатерінен сақтанып, тиімді пайдалану үшін заңнамалық негізін бекіту керек. Сондықтан цифрлық кодексті жедел қабылдау үшін нақты шаралар жасалуы тиіс деді. Президент бұдан өзге жасанды интеллектті мемлекеттік басқару жүйесінің жаңа философиясына айналуы тиіс деді. Жасанды интеллекттке қатысты өзге де тың бастамалар жайында толығырақ кешкі жаңалықта айтамыз.