IBA жыл соңында Әлем чемпионатын өткізбекші

Халықаралық бокс қауымдастығы Дубайда жыл соңына қарай Әлем чемпионатын өткізбек. Жаһандық дода 2-13 желтоқсан аралығында ұйымдастырылады. Турнирге әлемнің ең үздік былғары қолғап шеберлері қатысып, өз салмақ дәрежесінде Әлем чемпионы атағын сарапқа салады.

Ақпарат «Бірінші бол» сайтында жарияланды. Біріншілік тарихтағы ең ауқымды жүлде қорымен есте қалмақ. Жалпы жүлде қоры 8 миллион доллардан асады. Әр салмақтағы алтын жүлде иегеріне 300 мың доллар, күміс жүлдегерге 150 мың доллар, қола алғандарға 75 мың доллардан, сондай-ақ бесінші орын алған боксшылар 10 мың доллардан алады. Қызығы, жүлденің 50%-ы спортшыға, 25%-ы оның жеке бапкеріне, тағы 25%-ы ұлттық федерацияға беріледі.