Стамбұлда жер сілкінді

Бүгін түстен кейін Стамбұл қаласында жер сілкінді. Қуаты 5 балдық жер тербелісінің ошағы Мәрмәр теңізінің ортасында болған. Стамбұл губернаторының мәліметінше зілзаладан 17 адам жараланған. Олардың барлығы жер сілкінісі кезінде қорқыныштан жоғары қабаттан секіріп кеткен, баспалдақтан құлаған. Зілзала кезінде тұрғындар алаңдар мен саябақтарға жиналып, мектептерде сабақ тоқтатылды. Көшелерде көлік кептелісі көбейді. Дегенмен мамандар апаттан ешқандай ғимаратқа зақым келмегеннін айтты. Жер сілкінісі Мәрмәр теңізінің жағалауындағы бірнеше қалада сезілген.