Қызылорда ТЖД қызметкерлері 484 отбасыға көмек көрсетті

Елімізде төтенше жағдайлар құрылымының 30 жылдығы қарсаңында 30 игі іс жобасы қолға алынды. Осыған орай қызылордалық өрт сөндірушілер жалғызбасты қариялардың үйінің ауласын тазалап, улы газды анықтайтын қондырғылар орнатты.

Тасбөгет кентіндегі зейнеткердің ескі баспанасы газға қосылмаған. Мамандар ең бірінші жалғызбасты кейуананың отынын жарып, пешін тазалап берді және көмірқышқыл газ тараса, дыбыстық сигнал беретін қондырғыны тегін орнатты. Жалпы, мұндай игі бастама тамыз айынан бері жалғасып келеді. Осы аралықта төтенше жағдай қызметінің мамандары  тұрмысы төмен 484 отбасыға көмек көрсетіп, жылыту маусымы алдында өртке қарсы қауіпсіздік шараларын күшейтті. 

Жасұлан Түйменов, облыстық ТЖД бастығының бірінші орынбасары:

Сонымен қатар 30 игі іс аясында құтқарушылардың бір күні, ашық есік күндері, донорлық акциялар және қария кісілердің үй аулаларын тазалау, пештерін ретке келтіру, мұржаларын тазартып беру жұмыстары атқарылуда.