Қазақстан мен Венгрия Будапештте жүк терминалын салады

Қазақстан мен Венгрия Будапештте жүк терминалын салады. Бұл жайында Премьер-Министр Олжас Бектенов пен Мажарстан Президенті Тамаш Шуйоктың кездесуінде айтылды. Тараптар өзара сауданы одан әрі арттырудың зор мүмкіндігін атап өтті. Қазақстан Мажарстанға қосымша 95 тауар түрін экспорттауға дайын. Осы орайда жаңадан құрылған Қазақстан-Мажарстан инвестициялық қоры бірлескен жаңа жобаларды іске асырудың маңызды тетігіне айналады. Сонымен қатар екі ел сауда-экономикалық, көлік-транзиттік, ауыл шаруашылығы және жасанды интеллект бойынша да бірқатар жобаларды бірлесе дамытуға күш салмақ.